4.post per Chiara Goffi pra i campiunac talians de atletica lesiera

16. Sep 2020

Dai 11 ai 13 de setëmber fovel sun l program dl atletica lesiera I campiunac talkians de atletica per la categuries alieves. Pra chisc campiunac muessen sambën se cualifiché y demsusrté su cer resultac, ajache la partezipazion ie dassën limiteda. Per l’Atletica Gherdëina Raiffeisen fova Chiara Goffi de Urtijëi cualificheda, nchinamei ted oi disciplines: tl smaché la lanza y tl smaché l pëis. Dal mumënt che la doi garejedes fova sun l program una ndolauter, se à Chiara dat ju cun la disciplina ulache la ie plu sterscia y chësc ie tl smaché la lanza. L prim di messoven mo n iede se cualifiché per la finela da n sada, ilò tuloven iete mé la mieura 12. Pra la cualificazion ie Chiara Goffi jita danora demustran la mieura mesura dl di y se cualifican per prima cun na mesura de 41,64 m. Pra l segondo di se tratovela pona dla bedaies. Bele pra l prim iede sun sies che la mutans pudova smaché la lanza, udoven la emozion de nosta atleta che purmpò se muova da iede a iede danter la 5 mieures dla Talia. Ala fin ne n’ala nia bastà per la bedaia y mé per puech iela ruveda al 4. post.  Venciù la garejeda à Panzarin Sofia dl Atletica Vicentina cun 46,19 m. dan Galli Genet dla Modena Atletica 45,42 y Fischnaller Sarah dl Südtirol Team Club de Bulsan. Chiara Goffi ie ruveda al boniscimo 4. post cun 40,28 metri. Purmpò vester danter la mieura atletes dla Talia y l’esperienza fata pra la garejedes ti à purtà a d’ëila y ala Lia dl Atletica Gherdëina Raiffeisen na gran sodisfazion y motivazion per la garejedes che vën.

De bon plazamënc ie nce sautei ora nce a Lana n sada ai 12 de setëmber pra n meeting dl jëuneza. Cun n bon tëmp y degun vënt iel stat ngrum de bon plazamënc per la mutans dla categuria A y B dl Atletica Gherdëina Raiffeisen. Alessia Goffi tla categuria A y Saphira Pitscheider tla categuria B ie tramedoves ruvedes trëi iedesc sun l podest demustran de vester danter la mieures de si categuries. Nsci I resultac plu per menut per la categuria mutans A: Alessia Goffi 1.post ti 80 m cun rëmes, 1. post ti 300 m cun rëmes y 1. post tl smaché l pëis; 2 post Sabrina Ploner tl smaché la lanza; tla categuria B: Saphira Pitscheider 2.post de ti 1000 m y 2.post tl smaché la codla;  3.post per l team dl Atletica Gherdëina Raiffeisen tla stafëta cun Pitscheider Saphira, Goffi Annalisa, Dejori Ylvie y Perathoner Linda.

 

Per l’Atletica Gherdëina Raiffeisen
Stefan Planker