Chest’ultima sada ai 8 de mei ie stat a Lana l segondo Grand Prix de atletica lesiera sun pista, per atlec y atletes dla categuria Cadette/i, Ragazze/i y Esordiente/i. Per la categuria esordienti, che fossa mutans y mutons nasciui tl 1999 y plu jeuni ie chesc Grand Prix stat l’ultimo dan l instá, la proscima garejeda per i plu pitli sará permó inó de setember .
Cun gran legreza á Kerschbaumer Paolo arjont la bedaia d’or tan aspiteda y meriteda ti 50 m piani cun l temp de 8,17 secunc. Bedaia d’arjent se á davaniá la mutans Perathoner Linda, Senoner Julia, Senoner Elisa y Pepe Tiziana tla staffetta enghe eiles tla categuria 99/2000.
Na bedaia d’or ti ie enghe jita á Cortoni Elena, eila á venciú tla disciplina dl saut aut (categuria ragazze 1997/1999) sautan 1,37 m seura la stangia ora. Runggaldier Martin á inó venciú la garejeda di 2000 m tla categuria cadetti/e (1995/1996) . For te chesta categuria á
Silvia Spisser arjont la bedaia de bront ti 80 m cun rëms cun n temp de 13,62 sëcunc.
L terzo post, bedaia de bront á enghe mo arjont Messner Stefanie tl saut aut, sautan 1,44 m sëura la stangia ora y Costa Alessandra ti 60 m piani cun n tëmp de 8,91 secunc.
Cumplimenc a duta la mutans y mutons dla Atletica Ghërdëina Cassa Raiffeisen de Sëlva che á teut pert a chesta garejeda.